Lasaruss

Jæja þá eru bæði Þór Jökull og Steinar búnir að vera lasnir þessa vikuna. Allt á hvolfi hérna á þessu heimili. 10 dagar eru í komu litla krílis ef eitthvað er að marka ásettan dag. Mikið um að vera á stóru heimili. Þór Jökull er búin að vera mep 40 stiga hita litla músin og vonandi fer honum að batna var annars að pæla í hvort hann væri með sýkingu en við sjáum til :)

Ekkert meira að frétta í bili. Verðum í bandi.

Kv Guprún Helga :)

Gamanið að byrja

Síðustu nætur hafa verið frekar svefnlitlar vegna mikilla verkja. Þetta eru auðvitað bara einhverjir æfingarverkir og því ekki víst að eitthvað sé að gerast núna  á næstunni :)

Þetta er víst bara það sem fylgir þessu ástandi mínu núna þessa stundina

Hér set ég eina mynd inn af mér bara af gamni

Fréttir af Háteigsveginum

Fréttir af okkur litlu fjölskyldunni hér á Háteigsveginum eru þær að í febrúar mun fjölga í fjölskyldunni. Við erum ekki að fá okkur hund heldur mun Þór Jökull litli prinsinn minn verða stóri bróðir. Það ríkir mikil tilhlökkun hér á bænum vegna þessa og mikill undirbúningur á aðsigi.

Þór Jökull er staðráðin í því að verða besti stóri bróðir í heimi. Hann ætlar að leyfa litla barninu að horfa með sér á Dóru ásamt því að kenna því að labba og tala. Hann tekur þessu hlutverki sínu mjög alvarlega núna og mjög gaman að fylgjast með honum í þessum pælingum sínum.

Við munum setja inn fréttir af og til um okkur hér á sínðuna á næstunni :) Endilega fylgist með.

 Kv Guðrún, Steini og Þór Jökull.

 

Nokkrir góðir haha

Maður nokkur var lagður inn á Klepp þar sem hann stóð á því fastar en fótunum að hann væri rotta. Eftir nokkurra vikna meðferð sannfærðist maðurinn um að hann væri hreint engin rotta og skömmu síðar var hann úrskrifaður. Hann kvaddi lækninn í dyrunum og gekk út, en skyndilega sneri hann sér við og hrópaði til læknisins: “Hjálp ! það er köttur þarna fyrir utan!”
Vertu bara rólegur, sagði læknirinn róandi. Þú veist ósköp vel að þú ert enginn rotta lengur.
“Já, ég veit það og þú veist það. En spurningin er veit kötturinn það?” sagði maðurinn

3 konur voru að flýja úr fangelsi .. ljóska,brúnka og rauðka þær hlupu inni hlöðu og þær voru að leita af stað til þess að fela sig á. þær földu sig i pokum, þegar lögguna bar að .. þá sparkaði hann i fyrsta pokann, og úr honum heyrðist “voff voff ” svo sparkaði hann i næsta poka og þar heyrðist “mjá mjá”. Svo sparkaði hanni þriðja pokann þar sem ljóskan var og úr honum heyrðist “kartöflur,kartöflur”

Sp: Hvaða eiginkonur vita nákvæmlega hvar mennirnir sínir eru staddir?

Sv:Ekkjur

Á fljúgandi ferð

Davíð Oddson og Geir Haarde sitja saman í flugvél. 

Davíð: "Ef ég myndi henda þúsundkalli útum gluggann þá myndi ég gera eina persónu glaða". 

Geir:  "Ef ég myndi henda 10 þúsundkalli útum gluggann þá myndi ég gleðja 10 manns í dag".

Flugstjórinn :  "Ef ég myndi henda ykkur báðum útum gluggann þá myndi ég gleðja heila þjóð"

 

HA HA HA HA   .

Hláturinn lengir lífið er það ekki !!!!!!!

Búin með ritgerð og farin að kenna

Ég er ein af þessum heppnu sem að voru að klára skólann því ég fékk vinnu í kreppunni. Ég er farin að kenna líffræði sem að er ekki mitt fag. Hinsvegar bauðst mér þessi vinna og ég tók hana vegna hræðslu um að fá ekkert að gera eins og margir í kringum mig eru að lenda í.

MS ritgerðin mín er tilbúin og ber nafnið #Við eigum að vera dálítið þakklát fyrir að þau vilji koma til okkar í vinnu"

Í verkefninu er leitast við að finna svör við spurningunni: Hvernig birtist viðhorf og sýn stjórnenda til kynslóðar Y?

núna er bara að bíða og sjá hvað ég fæ út úr meistarastykkinu mínu en ég á eftir að verja það.

Bið að heilsa þangað til næst. Kv af Háteigsveginum. 

Gleðileg jól og hafið það sem allra best um hátíðirnar

 

Kveðja Guðrún Helga, Steinar og Þór Jökull..........

Hláturinn lengir lífið

Hlátur lengir lífið og brandarar er góð leið til þess að framkalla hlátur. Þessi heilsubót er ókeypis og vonandi skemmtirðu þér við lesturinn.

 

 

  

Viðskiptavinurinn: "Hvaða gjöf get ég keypt handa gamalli, ríkri frænku sem er mjög veikburða og getur varla gengið?"
Afgreiðslumaðurinn: "Hvað segirðu um bón?"

 

Miðaldra kona kom inn í kvenfataverslun. Hún ætlaði að fá brjóstahaldara. Afgreiðslustúlkan spurði hvaða gerð það ætti að vera: "hjálpræðisherinn", "einræðisherrann" eða "blaðamaðurinn"? En konan skildi ekkert og spurði hver munurinn væri á þessum gerðum. Jú, sagði afgreiðslustúlkan, "hjálpræðisherinn" lyftir þeim föllnu, "einræðisherrann" sankar að sér eins miklu og hann getur og "blaðamaðurinn" gerir úlfalda úr mýflugu.

Smá fréttir af okkur

Núna er litlinn minn búin að vera veikur alla síðustu viku. Og svo loksins þegar hann varð aftur góður þá fékk hann aðra pest þessi litla elska. Ég vorkenni honum svo mikið. Annars er gaurinn farin að tala voðalega mikið og er mjög kátur í leikskólanum. Hann er mjög fjölskyldurækinn og eftir hvern dag á leikskólanum spyr hann um alla sína nánustu ættingja.

Annars er allt við það sama hér á þessu heimili ég að lesa fyrir próf og skrifa Masterinn minn. Núna er bara loka spretturinn á þessu öllu saman og vonandi næ ég að útskrifast í febrúar.

Steini er að kokka í Perlunni gómsætt Villibráðarhlaðborð og svo fer jólahlaðborðið að byrja. Alltaf nóg að gera hjá þeim ekki mikil kreppa sjáanleg þar á bæ (sem betur fer).

Éin mynd af fjölskyldunni saman á góðri stundu.

 

Ísland í dag

Flestir Íslendinga hafa yfir árin kosið D listann yfir sig aftur og aftur þrátt fyrir slæma útreið ár eftir ár. Fólk hefur einhvernvegin treyst þessum gaurum fyrir Íslandi þrátt fyrir endalausa sölu á eignum þjóðarinnar til annarra fyrir lítinn pening og algjörri óreiðu í stjórnun hjá þeim.

Mér finnst mjög sorglegt að núna gráti 90 % þjóðarinnar og bölvi þessum mönnum. Jú fólk hefur ítrekað kosið þá þrátt fyrir að vita að þeir geti ekki neitt. Ég held að fólk verði bara að hugsa sig um hvað það er að gera þegar það gefur einhverjum atkvæði sitt. Og þá líka taka afleiðingunum þegar þær koma. Flestir sem að brjóta af sér þurfa að taka afleiðingum. Þeir sem að eiga við fíkn að stríða þurfa að taka afleiðingum svona er bara lífið. Hinsvegar get ég næstum fullyrt að ef að kæmi til kosninga aftur í dag myndi þetta sama fólk ekki halda áfram að kjósa D listann ????????

Ég þori næstum að veðja að fólk myndi gera það. Samt tek ég aldrei áhættur. Ég er ein af þeim sem að trúa því ekki á auðvelda peninga. Allir í kringum mig hafa þurft að vinna sér inn peninga en ekki fengið þá auðveldlega. Ég er líka ein af þeim sem að hef aldrei kosið D listann. 

Bítið bara á jaxlinn og takið afleiðingum:

Já svona er Ísland í dag !!!!!!!!!